Primeiru Ministru, Taur Matan Ruak. Imajen/Antonio Goncalves

DILI, 17 agostu 2019 (TATOLI)-Primeiru-Ministru (PM), Taur Matan Ruak, hatete Governu sei esforsu hodi estabiliza presu ba produtu rai-laran.

“Problema boot iha ita-nia rai-laran realmente mak presu produtu sira nian. Governu tenta halo ezersisiu para estabiliza presu produtu sira nian, aumenta konsumu no produsaun tanba presu produtu lokál boot liu fali produtu importasaun. Naturalmente ema sira ne’ebé osan laiha sira halai hotu ba ida ne’ebé baratu tanba ita nian karun”, Primeiru-Ministru afirma iha serimónia teste diversifikasaun produtu na’an-manu (frangu) ho fahi ba prosesamentu ai-han sourisu ho kompozisaun ingrediente lokál sira iha Konventu Canossiana, Balidi, ohin.

Xefe Ezekutivu ne’e afirma se timoroan hakarak kompete tenke hatún presu.

“Daudaun ne’e mós ami estuda hela atu proteje produsaun ba produtu lokál. Dalan di’ak ida maka timoroan sira komesa aprende atubele kompete iha presu tanba iha merkadu livre kompetisaun presu maka hamate malu”, haktuir eis Prezidente Repúblika ne’e.

Jornalista : Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here