Ekipa Atlético Ultramar. Imajen Mídia LFA

DILI, 16 agostu 2019 ( TATOLI)—Aban (17/08), ekipa Lalenok United FC sei kontra Atlético Ultramar iha jogu kontinuasaun Liga Futeból Amadora époka 2019 ne’ebé sei hala’o iha Estádiu Munisipál Dili.

Tanba ne’e, treinadór Lalenok hateten nia la haree Ultramar hanesan ekipa frakeza maibé nia parte fó treinu jogadór sira ho sériu nune’e bele hasoru Ultramar.

“Ultramar la’ós ekipa ida ne’ebé fraku. Nia (Ultramar) ekipa forte. Ha’u tenke sériu no foku treinu jogadór sira ho di’ak nune’e bele manán jogu aban,” dehan Yance ba Agência Tatoli via telemóvel, ohin.

Hosi jogu primeira volta, Lalenok hanesan ekipa ida ne’ebé forte no ukun provizóriu tabela klasifikasaun maski iha klube zigante barak.

Maibé treinadór ho nasionalidade Indonézia ne’e dehan, nia la haree ba tabela klasifikasaun maibé haree oinsá lori Lalenok ba vitória.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here