Prezidente Federasaun Halterofelizmu Timor-Leste (FHTL), Vicente Carvalho

DILI, 16 agostu 2019 (TATOLI)—Prezidente Federasaun Halterofelizmu Timor-Leste (FHTL), Vicente Carvalho, hateten objetivu hala’o kampionatu nasionál atu buka atleta hirak ne’ebé prestasaun di’ak bele hili atu partisipa iha eventu internasionál Sea Games ne’ebé sei hala’o novembru mai ne’e iha Manila-Filipina.

“Federasaun Halterofelizmu sempre hala’o treinamentu ho objetivu atu prepara ba kampionatu nasionál no iha kampionatu nasionál ne’e sei hili atleta ne’ebé iha prestasaun di’ak atu ba tuir Sea Games,” dehan Vicente ba jornalista sira iha Jináziu Dili, ohin.

Kampionatu nasionál refere hetan apoiu hosi Governu ho totál orasamentu rihun sanulu ($10.000) no eventu refere sei hala’o durante loron rua (16-17) iha tempu badak.

Atleta ne’ebé partisipa iha eventu ne’e hamutuk hitu-nulu resin neen (76) kompostu hosi klube sanulu resin lima hanesan Koni, Canelas, Fuls Fitnes, Harmoni Fitnes, Choque, Manufahi GYM, Town GYM, Soladeus, Cicu GYM, Maja GYM, Jar Fitnes GYM, Karimbala GYM, Strong GYM, Raimoris no Super GYM.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here