Progresu konstrusaun hariis fatin públiku iha Largo Lecidere. Imajen/Osória A.Marques

DILI, 16 agostu 2019 (TATOLI)-Cruz Vermella Timor-Leste (CVTL-sigla portugés) hadi’a hikas ona hariis fatin públiku iha Largo Lecidere.

Xefe Departamentu CVTL, João Pinto Soares, informa, progresu konstrusaun ba hariis fatin públiku ne’e fizikamente atinje ona porsentu 50. Nune’e, molok festa konsulta populár, 30 agostu 2019, bele finaliza ona.

“Servisu ida ne’e hanesan pakote tanba governu mak suporta hodi halo reabilitasaun ba Jardín Largo Lecidere nian ho montante orsamentu $50.000,00,” informa João Pinto Soares, ba ajénsia TATOLI, ohin, iha Largo Lecidere, Dili.

Nia klarifika katak, osan $50.000,00 ne’e la’ós hadi’a ba hariis fatin, mas CVTL mós halo Uma ba Ema kbiit laek sira iha Postu Atauro nian no mós ba sustentabilidade bee mós ba Laulara Munisípiu Aileu,” tenik João Pinto Soares..

Projetu reabilitasaun total ba Jardín Largo kuaze iha faze final, inklui lampu eletrisidade nian funsiona hotu ona no komesa fura bee moos ne’ebé mak atu distribui iha jardín.

Reabilitasaun Jardín Montaél. Imajen/Osória A.Marques

Diretór Algis ING, Consultancy Lda, Tito Lopes, hateten, prosesu servisu iha jardín Motaél ne’e atinje ona ba porsentu 40 no valor orsamentu ba reabilitasaun jardín refere purvolta $95.00,00.

“Ha’u hakarak hateten Servisu Ida ne’e la’ós tarjetu ba 30 Agostu nian, maibé ami esforsu nafatin maske seidauk finaliza, pelumenus ema liu ba mai bele haree no sente katak jardín ne’e komesa atu hotu ona,” hateten Tito Lopes.

Jornalista :  Osoria A. Marques

Editór       : Francisco Simões

HAKEREK NO HATÁN

Please enter your comment!
Please enter your name here