Diretór Komandu Nasionál Bombeiru Timor-Leste, Claudio da Silva. Imajen/Osória A.Marques

DILI, 16 agostu 2019 (TATOLI)-Ekipa Bombeiru Timor-Leste  integra aan iha komisaun organizadora ba festa konsulta populár, 30 agostu 2019, hanesan seksaun seguransa nian.

Diretór Komandu Nasionál Bombeiru Timor-Leste, Claudio da Silva, informa, Bombeiru nia servisu ba preparasaun loron konsulta populár ba dala-20 (30 agostu 1999-30 agostu 2019) ho prezensa misaun forsa INTERFET, 20 setembru 1999, maka rega jardín hirak iha Dili laran.

Ba ajénsia TATOLI iha nia servisu fatin, Caicoli, Dili, Claudio da Silva, husu ba komunidade Dili atu kolabora ho autoridade hotu hodi kuida ambiente, inklui prezerva jardín sira ne’ebé governu reabilita ona hodi bele fó ba povu nia oan sira halimar ho ksolok iha jardín ne’ebé furak, matak no malirin.

“Esforsu ita hotu nian no husu komunidade atu hothotu tau responsabilidade hanesan jardín iha sidade Dili no husu depois de komemorasaun ne’e tenke kontinua haree no hadi’a nia kondisoens atu nafatin sai matak no moos,” hateten Claudio da Silva.

Bombeiru kualkér momentu atu atende no nafatin fó apoiu ba nasaun ho povu doben Timor-Leste.

 Jornalista : Osória A. Marques

Editór       : Francisco Simões

 

 

HAKEREK NO HATÁN

Please enter your comment!
Please enter your name here