Foto/Mídia GPM

DILI, 15 agostu 2019 (TATOLI) Primeiru-Ministru, Taur Matan Ruak, hala’o vizita ba Veteranu José Gusmão ho kódigu “Mau-Mesak” iha Óspital Nasionál Guidu Valadares (HNGV-sigla portugés) tanba moras.

Komunikadu ne’ebé Tatoli hetan asesu, ohin katak hafoin Primeiru-Ministru sai serbisu iha tuku 18:00 horseik, (14/09), ba diretamente vizita veteranu “Mau-Mesak” ne’ebé baixa iha óspital, hanesan fó korajen ba nia soldadu iha tempu rezistensia, atu nafatin iha esperansa ba moris, maske ho kondisaun moras.

Durante vizita Xefe Governu, hetan akompañamentu hosi Diretór Jerál ONGV, Aniceto Barreto.

Veteranu Mau-Mesak durante iha tempu rezisténsia iha ai-laran toma konta hahan ba Falintil sira.

Aleinde vizita Mau-Mesak, Xefe Governu kontinua vizita espoza Sekretáriu Estadu Meiu Ambiente ne’ebé baixa mós iha óspital.

Jornalista : Antónia Gusmão

Editora     : Maria Auxiliadora

HAKEREK NO HATÁN

Please enter your comment!
Please enter your name here