Primeiru-Ministru, Taur Matan Ruak. Imajen: TATOLI

DILI, agostu 2019 (TATOLI)—To’o oras ne’e, VIII Governu Konstitusionál seidauk bele halo nomeasaun ba Prezidente Autoridade Rejiaun  Administrativa Espesiál Oé-Cusse Ambeno (RAEOA)  foun, tanba hein hela Prezidente Repúblika atu halo promulgasaun ba estatutu RAEOA ne’ebé hetan ona fiskalizasaun  hosi Tribunál Rekursu.

Lee mós: TR Deklara Alterasaun Lei RAEOA Konstitusionál

Primeiru-Ministru (PM), Taur Matan Ruak hato’o asuntu ne’e hafoin enkontru semanál ho Prezidente Repúblika, Francisco Guterres Lú Olo, iha Palásiu Prezidente Nicolau Lobato, Bairru Pité, ohin.

“Alterasaun ne’e mós Prezidente Repúblika seidauk Promulga. Tanba ne’e, ami seidauk ko’alia kona-ba buat ne’e. Maibé, to’o tempu, ami sei fó hatene ba públiku kona-ba medida saida mak governu sei halo”, hateten Taur.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here