Logotipu DNMG

DILI, 13 agostu 2019 (TATOLI)- Ministériu Transporte no Komunikasaun (MTK) liuhosi Diresaun Nasionál Meteorolojia Jeofízika (DNMG) informa katak, anin ho velosidade  iha territóriu Timor-Leste hahú normál hikas ona.

Notísia Relevante : Alerta Hosi DNMG, Sei Akontese Anin Boot iha TL

Antes ne’e,  iha loron 8 agostu 2019, DNMG alerta ba povu sira atu kuidadu, tanba akontese anin makas derrepente entre loron 10 too loron 12  agostu 2019.

Tuir observasaun hosi satélite meteorolojia Himawari-8, nota katak oras ne’e daudaun atmosfera agora parsialmente estavel iha territóriu Timór laran, maioria sem kalohan.

Temperatura do avaria hosi 19-24 C iha regiões montahosas no 26-27 C iha regiões costeiras.

Komunikadu hosi DNMG ne’ebé ajénsia TATOLI asesu relata katak, anin ho diresaun variavel ho intensidade fraku ba moderado ba 1-5 km/h iha maioria munisípiu. Mas iha Lautem no Rejiaun Administrativu Espesál Oe-Cusse Ambeno (RAEOA) anin huu ho velosidade 5-8 km/h. Kondisaun laloran tasik  iha Costa Norte, 0.5-1.5 metru no Costa Súl, 1-2 metru.

Alende ne’e, previzaun tempu atmosfera kontinua estavel firme iha territóriu Timor-Leste, lokraik bele dezenvolve kalohan taka iha territóriu Timor-Leste. Anin sei hahú huu makas komesa iha meiudia too lokraik, liu-liu iha zona costeiras (tasi-ninin) no parte foho nian.

Jornalista : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here