Komisáriu Komisaun Anti Korupsaun, Sergio Hornay. Imajen/António Goncalves

DILI, 13 agostu 2019 (TATOLI) – Espesialista anti korrupsaun hosi Komisaun Anti Korrupsaun (CAC-sigla portugés) na’in 25 tuir formasaun ne’ebé oferese hosi ICAC (Independent Commission Against Corruption) Hong Kong, Repúblika Popular Xina.

Notísia Relevante : KAK Kontinua Eleva Kapasidade Funsionáriu

Formasaun ne’ebé hala’o iha Otél Ramelau, Dili, ho tópiku “ICAC Outreaching Training Programme for Commission Against Corruption Timor-Leste”, util tebes ba Espesialista Anti Korrupsaun sira.

Komisáriu KAK,  Sergio Hornay husu ba espesialista anti korrupsaun sira atu uza oportunidade formasaun nee ho didi’ak atu bele benefisia Komisaun iha area prevensaun kriminalidade korrupsaun iha futuru.

Formasaun durante loron tolu nee aprezenta formadores na’in rua; Mandy Lee Man-Yu ho Man Chan ho matéria sira mak; Institutional Framework Theory for the Prevention of Corruption, Civil Service Integrity – Management of Declared Conflict of Interest, Corruption Prevention in Licencing and Inspection, Corruption Prevention in Public Procurament, Corruption Prevention in Constructions Works no Corruption Prevention in Administration of Funding Scheme.

Formasaun ne’e hala’o durante loron tolu (3) no sei termina iha Kinta  (15/8/2019).

Liuhosi pájina Facebook KAK nian ne’ebé Ajénsia TATOLI asesu, ohin, Komisáriu KAK, Sergio Hornay lori Komisáriu Adjuntu ba Prevensaun no Sensibilizasaun, Luis Sampaio no Komisáriu Adjuntu ba Asuntu Apoiu Kooperasaun, Alexandre Freitas no KAK nia naran agradese ba formasaun ida nee maske ICAC ho Estado Hong Kong oras nee sofre hela prosesu demokratizasaun.

“Lori Komisaun nian naran ho estrutura tomak hakarak sauda ita boot (ICAC HK) mezmu Estado Hong Kong oras nee hasoru hela prosesu demokratizasaun ida makaas, maibé bele mai iha Timor hodi partilla ho KAK sobre prevensaun korrupsaun. Ami agradese ba ida nee no espera Estado no povu Hong Kong sei hamutuk ho ami hodi hametin instituisaun anti korrupsaun,”  hateten Sergio Hornay.

Jornalista  : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here