Ministru Agrikultura no Peska, Joaquim José Gusmão dos Reis Martins.

DILI, 12 agostu 2019 (TATOLI)-Ministru Agrikultura no Peska, Joaquim José Gusmão dos Reis Martins, informa orsamentu ba Ministériu Agrikultura no Peska (MAP) ba tinan oin tuir pakote orsamentál ne’ebé maka fahe ona hamutuk millaun 17.

“Agora pakote fahe tiha ona, orsamentu ba Ministériu Agrikultura hamutuk millaun 17 kompara ho tinan kotuk (bainhira fahe pakote iha 2018) sa’e de’it millaun 2″, ministru afirma iha salaun MAP Komoro, ohin.

Tanba orsamentu MAP nian ba tinan ne’e millaun 14, maibé tinan oin sa’e uitoan millaun rua, nune’e MAP sei esforsu hodi halo planu no prioridade ne’ebé oitavu Governu iha no programa integradu MAP nian.

Governante ne’e salienta iha 2020 ho orsamentu ne’e, MAP sei prevee tuir nesesidade ministériu nian mak reabilita irrigasaun sira iha territóriu Timór laran tomak.

Notísia relevante : 2020, MAP Reabilita Irrigasaun Boot Sira

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here