Ministru Agrikultura no Peska, Joaquim José Gusmão dos Reis Martins. Imajen António Goncalves

DILI, 12 agostu 2019 (TATOLI)-Ministru Agrikultura no Peska, Joaquim José Gusmão dos Reis Martins, hatete tinan oin Ministeriu Agrikultura no Peska planeia hodi tau-matan másimu ba natar abandonadu hamutuk ektare 1000-resin.

“Natar abandonadu ne’e númeru ne’ebé que boot tebetebes hanesan iha Suai mil e tal hectares sei husik hela. Agora, natar sira ne’e indentifika hotu ona, se orsamentu tinan oin susfisiente ita bele halai hotu natar sira ne’e”, ministru dehan iha salaun MAP Komoro, ohin.

Tuir Ministru Joaquim katak se halai hotu natar sira ne’e, tenke hadi’a irrigasaun sira halo di’ak no intesifika sidadaun agríkola hodi hasa’e volume kultiva.

“Ita presiza tan orsamentu ne’ebé adekuandu tanba natar sira ne’ebe abandonadu agora ne’e, ai-laran ona no ai-hun boboot. Ita atu halai natar presiza mákina boot tenke tama hodi halai filafali”, dehan ministru Joaquim.

Nia salienta husi MAP propoin ba orsamentu 2020 atu rezolve kestaun sira ne’e, maibe depende ba orsamentu. Tanba ne’e maka seidauk hatene loos, más sei loke fali natar abandonadu balun hodi rezolve uitoan-uitoan.

Jornalista : Natalino Costa

Editora : Maria Auxiliadora 

HAKEREK NO HATÁN

Please enter your comment!
Please enter your name here