DILI, 10 agostu 2019 (TATOLI)-Komisaun Organizadora (KO) ba komemorasaun tinan 20 Konsulta Populár insiste lista konfirmasaun pureskritu husi bainaka sira rasik kona-ba sira-nia partisipasaun iha eventu nasionál ne´e.
“Ha´u insiste para sira fó lista konfirmasaun pureskritu, kuandu iha ona konfirmasaun pureskritu mak foin bele hateten sai,” hateten Koordenadora Sesaun Protokolu no Serimómia, Madalena Viegas Filipe, hafoin ramata enkontru ho Prezidente KO ho liña ministeriál sira, iha edifísiu Ministériu Finansas Ai-tarak laran, iha fim-de-semana ne´e.
Diretora ne´e informa, konvite sai husi parte haat hanesan prezidente, primeiru ministru, prezidente komisaun organizadora no parlamentu.
“Husi Prezidente Repúblika na’in tolu mak mai, husi 10 lista konvidadu na´in tolu mak konfirma, Saharawi, Nasaun Unida, Portugal. Husi Primeiru Ministru nian 65 konvidadu mas na’in 5 de’it mak konfirma, agora menus tan ona, Kambodia, Singapura, Austrália, Portugal iha ministra defeza mai. Ida foin dadaun dehan agora la mai fali,” nia atualiza.
“Prezidente Parlamentu ida de’it konfrmadu mai, deputada ida husi Fransa, husi grupu amizade interparlamentár franseza nian, prezidente komisaun organizadora; 75 konvidadu, maioria mai husi lista prezidente komisaun,” nia konfirma.
Iha okaziaun hanesan, Diretora Madalena Viegas informa katak Austrália sira mai, se sira la mai entaun atu troka notas diplomata sei la akontese.
“Sira mak husu ami atu labele pronunsia, razaun seguransa; buat sira ne’e, semana kotuk enkontru Maun boot Prezidente Komisaun Organizadora Konsulta Popular, Kay Rala Xanana Gusmão, hateten katak sira tenke pronunsia duni selae publiku bele konfundi, serimonia troka nota ne’e hanusá,” diretora ne´e haktuir.
Notísia relevante: KO Preparativu Konsulta Populár Kontinua Hein Konfirmasaun Bainaka Sira
Jornalista : Nelia Fernandes
Editór : Rafy Belo
Tinan 20 ita ukun an, tenki halo reflesaun, independensia ne signifika sa ida ba maioria povu mak sei moris kiak no mukit. Ema uituan deit mak goza ho ukun an ida ne. TOO OHIN LORON ITA SEIDAUK BELE PRODUS RASIK BUAT BARAK. MAIORIA ITA ITA SEI IMPORTA HUSI RAI LIUR. ITA NIA OSAN BARAK LIU MAK SEMO SAI BA LIUR. DISPEMPREGU EMA BARAK MAK LA IHA SERVISU. KORUPSAUN BURAS BA NAFATIN.
wimmsapulete@yahoo.com