MALIANA, 10 agostu 2019 (TATOLI) – Ekipa Selesaun Nasionál Timor-Leste (TL) U-18 derrota tan ho Myanmar 0-1 iha jogu tasa Asian Football Federation (AFF) ne’ebé hala’o iha Estádiu Ho Chi Mïnh clCity Vietnam, sábadu kalan.
Hosi derrota ne’ebé Timor – Leste hetan halo ona ekipa ne’e susar uituan hodi hakat ba meiu finál tanba hela jogu rua de’it mak termina hanesan hasoru Filipina no Laos tenke manán.
Golu úniku Myanmar prodúz hosi jogadór Moe Swe iha minutu 71.
Ba Agência Tatoli via telemóvel, Asistente Treinadór Selesaun U-18, Muhamad Nico konfesa katak Timor – Leste lakon maibé ho golu ne’ebé mihis no sei iha tan oportunidade jogu rua mak foin bele termina distinu Timor – Leste hakat ba oin ka lae.
“Jogu kapa’as maibé jogadór sira mak ladún kontrola di’ak ne’e mak ita lakon. Maibé, ami sei hein tan jogu rua. Iha jogu rua ne’e mak jogu ida ita lakon entaun hein joga kompletu de’it para ami fila ona. Se manán rua ne’e hotu di’ak maibé haree fali Indonézia lai,” dehan Nico.
Oráriu kontinuasaun jogu tuir mai grup A
Tersa 12 agustu
15:30 Timor Leste vs Filipina
15:30 Indonézia vs Laos
18:30 Brunei Darussalam vs Myanmar
Kuarta 14 agustu
15:30 Filipina vs Brunei Darussalam
15:30 Myanmar vs Indonézia
18:30 Laos vs Timor Leste
Jornalista: Hortençio Sanchez
Editór: Xisto Freitas
