MALIANA, 10 agostu 2019 (TATOLI) – Klube AS Ponta Leste no Karketu Dili FC preparadu ona atu joga hasoru malu iha jogu kontinuasaun Liga Futeból Amadora (LFA) époka ne’ebé sei hala’o orasida lorokraik, tuku 16:00 iha Estádiu Malibaca Maliana.

Asistente Treinadór Ponta Leste, Edi Fernandes, hateten maioria jogadór preparadu no iha kondisaun ne’ebé saudável atu hasoru jogu orsida.

“Ami durante semana tolu ona prepara-aan. Karketu, klube ne’ebé ita haree iha jogu segunda volta ne’e prepara maka’as loos, maibé ha’u konfia iha ha’u nia ekipa,” nia tenik ba Agência Tatoli, iha Estádiu Malibaca, sábadu ne’e.

Tabele klasifikasaun provizóriu LFA. Imajen Espesiál

Iha fatin hanesan, Asistente Treinadór Karketu, Venáncio G. Martins, konfesa katak bainhira joga kontra Karketu, ekipa sei hatudu rezultadu di’ak.

“Ha’u fiar katak orasida ami sei hatudu jogu ne’ebé di’ak, maibé buat hotu fila fali ba minutu sia-nulu mak termina manán ka lakon. Maski nune’e, ha’u fiar ha’u-nia jogadór sira,” tenik Venáncio.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here