Ekipa U-18 TL. Imajen Mídia AFF

DILI, 9 agostu 2019 (TATOLI)—Aban (10/8), Timor-Leste sei kontra ekipa Myanmar iha jogu tasa Asian Football Federation (AFF) ne’ebé sei hala’o iha Estádiu Ho Chi Mïnh City Vietname.

Ba Agência Tatoli via telemóvel, ohin, Asistente Treinadór U-18, Muhamad Nico informa sira halo hela preparasaun ba jogadór sira. Tanba ne’e, nia garante ekipa Timor-Leste sei hatudu jogu ne’ebé di’ak nune’e bele hetan vitória.

“Ita-nia jogadór sira agora ne’e preparadu hela. Ami haree jogadór ita-nian skill di’ak liu Myanmar nian. Ami iha ne’e esforsu-án ladi’ak (maka’as) atu iha jogu ne’e bele manán,” dehan Nico.

Nia hatutan, bainhira lakon ho Indonézia, jogadór barak mak mentalidade tuun, maibé treinadór hamutuk ho ofisiál hotu motiva nafatin jogadór sira liliu iha nafatin espirítu nasionalizmu nune’e bele hamorin Timor-Leste nia naran.

Oráriu ba jogu aban

15:30   Myanmar vs Filipina

15:30   Laos vs Brunei Darussalam

18:30   Indonézia vs Timor-Leste

Tabela klasifikasaun provizória Tasa AFF U-18

  1. Indonézia (pontu 6 ) ( Golu 11-2)
    2. Myanmar (pontu 6) (Golu 7-2)
    3. Timor-Leste (pontu 3) ( Golu 7-6)
    4. Laos (pontu3) (Golu 2-3)
    5. Brunei (pontu zero) (Golu 2-8)
    6. Filipina (pontu zero) ( Gol4 2-11).

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here