Estrada iha Manatuto Vila komesa kabér ona. Imajen/Nelson de Sousa

MANATUTO, 09 agostu 2019 (TATOLI)-Maioria povu Munisípiu Manatuto asesu ona infraestrutura báziku, hanesan bee moos, eletrisidade no estrada.

Notísia Relevante : Xanana Husu Ema Hotu Halo Reflesaun

Administradór Munisípiu Manatuto, Fernando de Sousa Junior.

Administradór Munisípiu Manatuto, Fernando de Sousa Junior, ba Ajénsia TATOLI hateten, tinan 20  (30 agostu 1999-30 agostu 2019), depois haketak aan hosi mahan Repúblika Indonézia nian, povu Timor hakat daudaun ona hosi faze dezenvolvimentu tuir etapa. Nune’e, povu Manatuto hosi postu administrativu neen (6) asesu hotu ona eletrisidade, mezmu aldeia balun seidauk no iha faze preparasaun.

“Kona-ba bee moos  liuhosi projetu  Banku Dezenvolventu Aziátiku (ADB sigla-inglés)  implementa, inaugura iha sestu governu daudaun ne’e  distribuisaun bee moos   ba komunidade  Manatuto vila tomak ho di’ak,” informa Fernando de Sousa Junior, iha Manatuto Vila, kinta (08/08/2019).

Notísia Relevante : Referendu ‘99’, Povu Matenek no Brani

Kona-ba  estrada, Fernando hateten,   daudaun ne’e komesa hadi’a iha Manatuto vila no postu administrativu balun estrada hahú di’ak.

Administradór Manatuto, Fernando de Sousa nota ona atu  iha 2020 kontinua tau prioridade ba infraestrutura báziku bee moos, estrada, eletridade  hodi hadi’a liu tan to’o ba postu administrativu no suku sira.

Munisípiu Manatuto iha postu administrativu neen (6), mak hanesan   Laleia, Laclubar, Laclo, Soibada, Barique no Manatuto Vila ho nia populasaun hamutuk 42.000.

Jornalista          : Nelson de Sousa

Editór                : Francisco Simões

 

HAKEREK NO HATÁN

Please enter your comment!
Please enter your name here