Prezidente Autoridade Munisípiu Ermera, José Martinho dos Santos Soares. Imajen/Espesiál

GLENO, 09 agostu 2019 (TATOLI)-Timor-Leste nia natureza luta ba ukun rasik aan la fasil hanesan rai seluk. Ema ua’in lori nia mate no mata ween mak sosa ukun rasik aan.

Notísia Relevante : Ermera Selebra Loron Referendu ho Reflesaun

Ho nune’e, liuhosi komemorasaun loron konsulta populár ba dala-20 (30 agostu 1999-30 agostu 2019) no Prezensa Misaun INTERFET, 20 setembru 1999, iha Munisípiu Emera, José Martinho dos Santos Soares, nu’udar prezidente Autoridade Munisípiu Emera, konvida veteranu, estudante, inan-aman no juventude sira hotu, atu halo reflesaun hodi hanoin hikas sakrifisiu ne’ebé povu Timor-Leste dedika ba prosesu luta to’o referendu, 30 agostu 1999.

“Ita nia jerasaun sira presiza duni hatene istória no fó onra ba inan-aman sira nia luta hodi nakfilak rai ida ne’e sai rai independénsia no ukun rasik aan,” hateten José Martinho dos Santos Soares.

Notísia Relevante : Veterana Genoveva Husu Feto Maluk Hametin Espíritu Voluntarizmu no Patriotizmu

Komemorasaun loron konsulta populár iha Munisípiu hotu-hotu hetan apoiu orsamentu hosi Governu sentrál, inklui Munisípiu Ermera ho valor $3.500.

Orsamentu hirak nee fahe ba postu administrativu neen iha Ermera hodi mobiliza komunidade festeja loron populár ne’e ho atividade tradisionais, konsertu múzika, no jogu rekreativu, inklui selebra misa agradesimentu ho kari ai-funan ba saudozu sira ne’ebé mak mate ba rai lulik ida ne’e nia  ukun rasik aan.

 Jornalista : Osória A.Marques

Editór       : Francisco Simões

 

HAKEREK NO HATÁN

Please enter your comment!
Please enter your name here