Logotipu KAK

DILI, 09 agostu 2019 (TATOLI) – Komisaun Anti Korrupsaun (CAC-sigla portugés) kontinua servisu hamutuk ho Instituisaun Anti Korrupsaun hosi nasaun seluk nian, inklui fortalese kooperasaun ho United Nations Office on Drugs and Crime (UNODC) no United Nations Convention Against Corruption, atu dezenvolve no kombate korrupsaun di’ak liu tan.

Notísia Relevante : KAK Iha Prioridade Haat Ba 2019

Antes nee KAK estabelese kooperasaun servisu  ho Instituisaun Anti Korrupsaun hosi Hongkong, Malázia, KPK Indonézia  Corrupt Practices Investigation Bureau (CPIB) Singapura, CAC Portugal no inklui instituisaun anti korrupsaun hosi nasaun sira lian portugés (CPLP-sigla portugés).

 Komisáriu Adjuntu ba Servisu Apoiu no Kooperasaun KAK, Alex Faustino Freitas, informa, agora daudaun UNODC ho UNCAC halo hela avaliasaun tékniku atu bele implementa kooperasaun servisu iha TL.

Ba ajénsia TATOLI iha Otél Timor, ohin, Alex Faustino Freitas, hateten, KAK T hametin mós kooperasaun ho UNODC bele mai tulun TL liuliu iha nasionál atu halo diskusaun oi-oin, husu mós oinsá atu fó hanoin kona ba dezenvolvimentu lei anti korrupsaun nian.

Iha semana kotuk KAK diskute asuntu provizaun jerál anti korrupsaun nian no deklarasaun rikusoin nian ba funsionáriu sira. Nune’e, esplika Alex Faustino Freitas, iha biban ne’ebé mós peritu sira hosi UNCAC fó hanoin buat balun, inklui mós Parlamentu Nasionál hodi diskute daudaun oinsá hariku lei KAK nian.

Jornalista   : Domingos Piedade Freitas

Editór         : Francisco Simões

 

HAKEREK NO HATÁN

Please enter your comment!
Please enter your name here