Ministru Estadu Koordenadór Asuntu Ekonómiku (MEKAE) no Ministru Turizmu Komérsiu no Indústria interinu, Fidelis Manuel Leite Magalhães. Imajen/TATOLI

DILI, 09 agostu 2019 (TATOLI) – Ministru Turizmu Komérsiu no Indústria (MTCI-Sigla Portugés) interinu, Fidelis Leite Magalães, hala’o enkontru ho diretór sira iha diresaun MTCI atu haree kona-ba ezekusaun orsamentu 2019 nian.

“Enkontru ne’e dahuluk ho estrutura diresaun tomak no inspetór MTCI atu haree ba ezekusaun orsamentu 2019 tanba orsamentu foin maka ezekuta porsentu 30” Ministru Fidelis ba jornalista sira hafoin remata enkontru iha Sentru Konvensaun Dili (CCD-Sigla Portugés), ohin.

Ministru husu ba diretór sira atu haree oinsá komponente ezekusaun orsamentu MTCI nian bele aselera.

Iha enkontru ne’e, ministru orienta diresaun jerál MTCI atu fó hanoin kona-ba vizaun polítika ministériu ba futuru, katak saida maka sei halo, nune’e bele iha intervensaun integradu atu kontribui ba dezenvolvimentu ekonomia Timor-Leste nian.

Iha reuniaun ne’e mós ko’alia kona-ba planu no preparativus kona-ba programa Governu nian ba tinan 2020.

Iha fatin hanesan, Asesór Prinsipál MTCI, Jacinto Rigoberto, akresenta sorumutu ne’e mós avalia kona-ba progresu servisu no identifika difikuldade hirak ne’ebé MTCI hasoru durante ne’e, nune’e ba oin bele hadi’a di’ak liután.

Jornalista : Natalino Costa

Editora     : Maria Auxiliadora

HAKEREK NO HATÁN

Please enter your comment!
Please enter your name here