Komisáriu Komisaun Funsaun Públika Asuntu Disiplinár, António Freitas

DILI, 8 agostu 2019 (TATOLI) – Ekipa Tranzisaun husi Governu sentrál hasoru malu ho eis Prezidente Autoridade Rejiaun Administrativa Espesiál Oe-Cusse Ambeno (RAEOA), Marí Alkatiri, hodi konfirma dokumentu ne’ebé antes ne’e seidauk kompletu.

Hafoin soru-mutu, membru ekipa Tranzisaun husi Komisaun Funsaun Públika (KFP), Komisáriu António Freitas, hateten ekipa mai justifika de’it relatóriu balun ne’ebé seidauk kompletu,  maibé normálmente dokumentu importante sira hanesan finansa no infraestrutura inklui administrasun kompleta ona.

Aleinde ne’e, ekipa tranzisaun agradese mós Ba Alkatiri, tanba kolaborativu tebes ho ekipa.

“Importante maka iha últimu enkontru ida ne’e,  atu bele hametin koordenasaun no hodi garante memória sustentabilidade iha RAEOA”, dehan António iha edifísiu ZEESM, Dili, kinta ne’e

Nia haktuir, durante enkontru ne’e, hetan rekomendasaun sensitivu no importante balun husi eis Prezidente Autoridade ne’ebé sei mensiona mós iha relalatóriu ne’ebé simu.

Nune’e, ekipa fórmula ona relatóriu no tuir planu sei entrega ba Primeiru-Ministru, Taur Matan Ruak iha semana oin.

Jornalista : Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here