Karau ne'ebeé bele prodús susu been. Imajen hosi google

DILI,  08 agostu 2019 (TATOLI) – Tribunal Distritál Dili (TDD), Sesta aban (09/08/2019), sei foti desizaun finál ba arguido sira ne’ebé mak komete kazu karau susu been.

Notísia Relevante : 31 Jullu, TDD Halo Leitura Akórdaun Ba Kazu Karau Susu Been

Tribunal Distritál Dili.

Ba kazu “partisipasaun ekonomia” ho “Administrasaun Neglijénsia”  ne’e deskonfia envolve hosi arguido MDC ho nia dirijente sera seluk ne’ebé serve iha ministériu balun.

Tuir loloos ajenda desizaun Tribunal Distritál Dili (TDD), katak iha loran Kuarta (31/07/2019), tuku 17:00 Otl, tenke halo leitura akórdaun ba kazu karau susu been, maibé tanba Juis koletiva tenke estuda kle’an no halo diskusaun antes foti desizaun, maka adia fali ba aban, tuku 17:00 Otl.

Iha Sesta (12/07/2019), Ministériu Públiku (MP) halo ona alegasaun final hodi solista ba tribunal atu aplika pena adekuadu ba arguido MDC no arguida ho inisiál RDC. Enkuantu arguido na’in rua seluk  ho inisiál FDC no LB ameasa prizaun tinan 8 (ualu).

MP mós halo alegasaun hodi husu ba tribunal aplika pena indemnizasaun ba arguido sira hamutuk U$785,895.00 tamba tuir Prokuradór titular, Jacinto Babo, dehan, MP konsidera katak faktu sira ne’ebé konsta iha akuzasaun nee provadu hotu.

Notísia Relevante : Tribunál Kontinua Halo Julgamentu Ba Kazu Karau Susu Been

Jacinto Babo otimista tanba iha realidade bainhira governu liuhosi Ministériu Agrikultura no Peska (MAP) selebra kontratu ho kampaña simente husu osan ho montante ne’ebé boot ba estadu atu sosa fini karau susu been ne’ebé ikus mai karau laiha.

Ba arguido MDC, ne’ebé antes akuza ho krime Partisipasaun Ekonomia, Ministériu Públiku altera fila fali ba krime Administrasaun Danoza tanba iha altura lao tuir de’it orden substituisaun nu’udar Ministru Agrikultór, hodi asina de’it dokumentu komprovativu.

Audiénsia julgamentu ba kazu  nee prezide hosi juis koletivu, Ana Paula Fonseca, Juiza Zulmira Auxliadora, juis Euzébio Xavier, Ministériu Públiku reprezenta hosi prokuradór Jacinto Babo ho Lydia Cardoso, enkuantu  arguido sira hetan asisténsia legal hosi Defensór Públiku, Marçal Marcarinhas, inklui advogadu privadu na’in tolu.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here