Vise Prezidente Parlamentu Nasionál, Maria Angelina Sarmento. Imajen/Egas Cristovão

MANATUTO, 07 agostu 2019 (TATOLI)-Vise Prezidente Parlamentu Nasionál (PN), Maria Angelina Sarmento, fó sasin katak, prosesu luta lider rezisténsia Kay Rala Xanana Gusmão nian ba fronteira marítima (FM)  nu’udar mós faze ida hosi  libertasaun pátria.

Notísia Relevante : Xanana Husu Ema Hotu Halo Reflesaun

 Angelina Sarmento hateten, bainhira iha loron 30 agostu, tinan ne’e,  parte rua (Timor-Leste ho Australia) define delimitasaun permanente fronteira marítima, maka Timor-Leste selebra istória rua; konsulta populár no istória susesu soberania total.

“Rezultadu ne’e hola parte ba libertasaun pátria,” afirma Maria Angelina Sarmento, ohin, iha nia intervensaun bainhira partisipa komemorasaun loron konsulta populár iha Munisípiu Manatuto.

 Nia akresenta, nasaun ida ne’e moris kuandu iha soberania total ka independénsia ekonómika hodi sustenta nasaun ba oin to’o futuru jerasaun nian.

 “Ita tenke valoriza  maun boot Xanana  nia esforsu no valoriza saudozu hotu ne’ebé  fó aan ba mate hodi soi rai ida ne’e sai independénsia,” afirma Maria Angelina Sarmento.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here