Kontra-atake entre jogadór SLB no Santa Cruz. Imajen Tatoli/Hortençio Sancehz

DILI, 7 agostu 2019 (TATOLI) – Klube zigante ne’ebé idéntiku Makikit Laulara, AD SLB, tebe sai adversáriu Santa Cruz FC ho rezultadu golu 6-0, iha jogu kontinuasaun Tasa 12 Novembru ne’ebé hala’o iha Estádiu Munisipál Dili, kuarta ne’e.

Hosi vitória ne’e, lori ekipa SLB ultrapasa ona ba hasoru tan jogu ne’ebé tuir mai iha meiu finál. Enkuantu, Santa Cruz tenke hakat ain sai hosi jogu Tasa 12 novembru tanba sistema jogu bota fora ka lakon sai.

Golu vitória SLB hatama hosi jogadór Filomeno Junior iha minutu 4, Paulo Gally 24, Bakayoka Ozi 31, Jhon Frits 39, Jeremeas Baptista 67, Rivaldo Correia 88.

Jogu refere dirije hosi árbitru Gerónimo dos Santos, juiz liña Elísio Lopez, Cristóvão Alves no árbitru rezerva, Francisco Pereira.

Hafoin jogu ramata, Tatoli tenta atu halo entrevista ho treinadór ekipa rua maibé lakohi fó komentáriu.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here