Ministru Reforma Lejizlativa no Asuntu Parlamentar, Fidelis Manuel Leite Magalhães. Imajen Egas Cristovao

DILI, 7 agostu 2019 (TATOLI) – Ministru Reforma Lejizlativa no Asuntu Parlamentár, Fidelis Leite Magalhães, informa Governu liuhosi Ministériu Negósiu Estranjeiru no Koperasaun (MNEK) iha planu sei harii misaun diplomátika Timor-Leste nian ida iha Índia.

“Ministru Negósiu Estranjeiru no Koperasaun, Dionísio Babo mak informa assuntu atu harii Timor-Leste nia misaun diplomátika ida iha Índia, maibé sira sei hare hodi halo uluk lai estudu ida kle’an liu, atu nune’e bele hare hotu misaun sira ne’ebé mak ita iha tuir polítika esterna ne’ebé iha”, dehan Fidelis ba jornalista sira, hafoin reuniaun Konsellu Ministru iha Palásiu Governu, kuarta ne’e.

Nia dehan, informasaun ne’e Konsellu Ministru rona de’it no seidauk foti desizaun ruma ba assuntu ne’e, tanba parte MNEK sei lori fali proposta ida ho kontiúdu ne’ebé iha intensaun atu harii misaun diplomátiku ne’e.

Nune’e, parte MNEK sei halo preparasaun másimu liu tan atu bele hato’o hikas ba Konsellu Ministru iha loron tuir mai atu bele hola desizaun.

Jornalista: Hortençio Sanchez

Editór: Xisto Freitas

2 KOMENTÁRIU

  1. Halo drama barak liu, rezolve lai problema baziku nebe mak ami povu enfrenta…hanoin mak halo drama. Iha hanoin atu halo kriatividade balun iha atividade agrikultura no negosiu iha atividade turismu nebe bele kontribui ba ekonomia rai laran mais koitadu fundus laiha atu halo nusa? Mak halo lei nain sira, halo lei karik…se ita boot sira iha fuan hanoin netik povu rai doben ida ne, kria leis ruma hodi regula investor cines sira, indonesia, no seluk2tan nebe halo buat kik oan nebe ema timor bele halo. Pelomenus sira bele halo industria boot laos halo kios2 kik oan iha bairo laran, balun lori hena husi kupang tama timor mais agora haree ba halo fali dosi hodi faan iha estrada ninin. Estadu ida ne saida? Iha leis ruma atu regula rai ne ka konforme se se deit mai husi rai liu bele halo tuir saida mak nia hakarak??

HAKEREK NO HATÁN

Please enter your comment!
Please enter your name here