Ekipa Timor-Leste nia jogu iha Tasa AFF. Imajen Mídia AFF

DILI, 7 agostu 2019 (TATOLI)—Aban (8/8), hanesan loron ne’ebé importante no istóriku ba nasaun rua, Timor-Leste no Indonézia, tanba hasoru malu dala-ida tan iha jogu Asian Football Federation (AFF) U-18 ne’ebé sei hala’o iha Vietname tuku 20:30 kalan otl.

Nasaun rua nia hasoru malu hanesan istória basá hori uluk to’o agora iha jogu AFF, Timor-Leste seidauk manán dala ida Indonézia. Tanba ne’e, Timor-Leste manán Indonezia iha jogu aban sai hanesan istória ne’ebé boot iha mundu futeból Timor-Leste.

Asistente Treinadór Selesaun Nasionál U-18, Muhamad Nico husu ba povu Timor tomak atu fó suporta másima ba ekipa Lafaek nune’e bele hatudu rezultadu di’ak iha jogu internasionál ne’e.

“Aban, ita joga hasoru Indonézia, ami husu inan-aman jogdór no klube sira hotu iha Timor fó suporta nafatin ba jogadór sira, matebian sira hotu, foho lulik, rai-lulik hosi rai ulun to’o ikun, Ramelau, Kablaki, Matebian no foho Mundu Perdidu hadeer ona ba tulun imi-nia beioan sira aban joga hasoru Indonézia,” dehan Muhamad Nico ba Agência Tatoli via telemóvel, ohin.

Ekipa Lafaek ne’e lidera hosi treinadór nasionalidade Indonézia, Andi Susanto ho nia asistente treinadór, Muhamad Nico.

Tabela klasifikasaun provizóriu

  1. Indonézia     (pontu 3)  ( golu 7-1)
    2. Timor-Leste  (pontu 3)  (golu 7-2)
    3. Myanmar     (pontu3)  (golu 3-1)
    4. Laos (pontu zero)  (golu 1-3)
    5. Brunei (0 poin) ( golu2-7)
    6. Filipina (pontu zero) (golu1-7).

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here