VIQUEQUE, 06 agostu 2019 (TATOLI)-Hosi janeiru to’o jullu, tinan ne’e, Komandu Polisia Nasionál Timor-Leste (PNTL) Munisípiu Viqueque rejista kazu hamutuk 93.
Notísia Relevante : PNTL Baucau Rejista Kazu 222
Kazu violénsia doméstika mak okupa númeru boot liu no tuir kazu violénsia ofensas integridade fízika.
“Kazu sira ne’e nia prosesu submete ona ba Ministériu Públiku,” informa Komandante PNTL Interinu Munisipiu Viqueque, Superintendente Asistente Polísia Eduardo Campos, ba Ajénsia TATOLI iha Administrasaun Munisípiu Viqueque, segunda (5/08/2019).
Nia mós informa katak, situasaun jerál iha área jurizdisaun Viqueque la’o hakmatek tanba hetan kooperasaun di’ak ho autoridade munisípiu, xefe suku, xefe aldeia, komunidade no parte hotu.
Komandu PNTL Viqueque iha nia membru na’in 280 ho kometimentu forte hodi garante seguransa ba povu tomak.
Jornalista : Nelson de Sousa
Editór : Francisco Simões
