Xefi Departamentu Jestaun Merkadu Guarda Munisípiu Dili, Berta Santa Gonçalves Vieira Imajen/Egas Cristovão

DILI, 06 agostu 2019 (TATOLI)-Autoridade Munisípiu Dili fasilita fatin provizóriu ba negosiante ambulante sira iha área tasi ibun Largo Lecidere nian.

Notisía Relevante : RDDU Apresia Governu Apoia Vendedór Ambulante iha Largo Lesidere

Negosiante Nu-Laloir Monta Tenda Provizóriu Iha Largo Lecidere

Negosiante sira ne’ebé fa’an sasán iha espasu Largo Lecidere nian, hanesan nu’u laloir, katupa, ikan tunu, bakso, ai-fuan, sigarru, pulsa telefone no seluk-seluk tan.

Xefe Departamentu Jestaun no Merkadoria, Berta Santa, ba Ajénsia TATOLI iha Edifísiu Provedor Direitu Umanus (PDHJ-sigla portugés),  segunda (05//08/2019), hateten, Autoridade Munisípiu Dili  fasilita fatin iha Largo Lecidere nian provizoriamente de’it no sira iha kometimentu kolabora ho

Munisípiu Dili atu kuidadu ambiente iha área Largo Lecidere nian.

 “Ami autoriza ona sira fa’an sira-nia produtu iha Largo Lecidere, iha parte kotuk besik tasi nian. Importante labele halo fo’er fatin tanba fatin ne’e  jardín,” hateten Berta  Santa.

Nia mós informa katak, lei númeru 33/2008, fó autorizasaun ba negosiante sira atu fa’an sira nia produtu, maibé fatin ne’ebé mak governu koloka ona mak merkadu Taibessi ho Manleuana, la’ós iha fali dalan protokolu no trotoar leten.

Relasiona ho ezijénsia negosiante ambulante ne’ebé mak sai problema públiku ho intervensaun guarda segurança nian iha terrenu bazeia ba Dekretu lei Nu.33/2008, 27 Agostu kona ba ijiene no orden públiku.

Xefe Departamentu Jestaun no Merkadoria, Berta Santa, hateten, negosiante ambulante mós prontu atu kolabora ho governu no halo limpeza ba fatin kuandu ema ruma soe lixu arbiru.

Jornalista : Osória A. Marques

Editór       : Francisco Simões

HAKEREK NO HATÁN

Please enter your comment!
Please enter your name here