Prezidente Juri Ba Kompetisaun Grupu Korál Múzika Rezisténsia, Pe. Adérito Manuel Euclides Victor da Costa, SDB- Foto FB: Amo Aderito

DILI, 05 agostu 2019 (TATOLI)—Prezidente Juri Ba Kompetisaun Grupu Korál Múzika Rezisténsia, Pe. Adérito Manuel Euclides Victor da Costa, SDB, informa faze eliminasaun ba audisaun kompetisaun Grupu Korál Múzika Rezisténsia ne’ebé envolve grupu korál hamutuk 12, tuir regra sei elimina grupu haat husi faze audisaun bazeia ba valór sumatóriu husi juri na’in lima.

Husi grupu hirak ne’e, valor ne’ebé aas liu sei kontinua tama ba iha faze semi-finál no grupu sira ne’ebé hetan valór ki´ik liu sei elimina husi faze audisaun ne’e. Tuir regra ne’ebé fó sai husi Komisaun Organizadora, husi grupu korál 12 ne’e sei elimina grupu haat (4) ne’ebé hetan valór kiik liu no grupu ualu (8) ne’ebé hetan valór boot sei kontinua ba faze semi-final.

“Ha’u hakarak anunsia katak, grupu ne’ebé hetan valór aas liu mak Grupu Korál Nossa Senhora da Graca ho total valór 3.905. Tuir mai, totál valor 3.744, monu ba grupu Movimentu Juventude Coral Sta. Cecilia. Total valor 3.680 monu ba Grupu Koral Sta. Filomena. Totál valór 3.575 monu ba Grupu Korál Santo Inacio de Loyola. Totál valór 3.550 monu ba Grupu Korál Santa Bahkita. Totál valór 3.340 monu ba Grupu Korál Nossa Senhora das Lurdes. Totál valór 3.315 monu ba Grupu Korál Nossa Senhora do Carmo Marabia-Lahane. Totál valor 2.721 monu ba Grupu Korál Domin Ba Nai. Totál valór 2.715 monu ba Grupu Korál ate Restu,” Prezidente no membru juri sira anunsia rezultadu avaliasaun ba kompetitór sira hafoin halao faze audisaun ba aprezentasaun Grupu C iha Aula Centro Covenção Dili (CCD), Merkadu Lama, Dili, segunda (5/8/2019).

Purtantu, prezidente juri ne’e hatutan, Grupu Korál ne’ebé la liu ba faze semi-final no hetan eleimansaun mak Grupu Korál Ensino Superior Ciencia e Kultura, Nossa Senhora do Carmo Catedral no UNR-TL Aileu tanba grupu sira ne’e la marka prezensa iha faze audisaun. Entretantu, Grupu Korál Mate Restu maske tuir audisaun maibé tanba hamriik iha zona kritis entaun labale tama ba faze semi-final.

Nia haktuir, grupu ualu (8) ne’ebé hetan valor boot no tama ba faze semi-final sei hili hikas múzika eskoilidu foun hodi entrega ba komisaun organizadora. Tanba, tuir planu, faze semi-final sei halo transmisaun direta liuhusi TVE ne’ebé sei hala’o iha Kuarta (14/8/2019) semana oin.

Entretantu, ekipa juri ne’ebé halo avaliasaun iha Kompetisaun Grupu Korál Múzika Rezisténsia Komemorasaun Loron Konsulta Populár ba dala-20 (30 Agostu 1999-30 Agostu 2019) kompostu husi Prezidente Juri,  Pe. Adérito Manuel Euclides Victor da Costa, Aida de Jesus Soares (membru), Gina Correia (membru), Domingos “Mitu” Freitas (membru) no Paulo Perreira (membru).

Jornalista: Cancio Ximenes

Editór      : Rafy Belo

HAKEREK NO HATÁN

Please enter your comment!
Please enter your name here