Paulo Gally (hamriik klaran hatais faru mutin nú. 10) hamutuk ho ninia maluk jogadór sira seluk durante partisipa jogu Tasa AFF iha Tailándia. Imajen espesiál

DILI, 6 agostu 2019 (TATOLI)—Antes ne’e, mídia balun iha Indonézia, Singapura, Myanmar  no nasaun balun halo espekulasaun maka’as ba jogadór Selesaun Nasionál U-15, Paulo Gally Freitas, iha ne’ebé duun jogadór refere muda tinan.

Tanba ne’e, Federasaun Futeból Timor-Leste (FFTL) liuhosi Adjuntu Sekretáriu Jerál, Frederico Martins deklara, espekulasaun sira ne’ebé mosu loron hirak liu-ba hosi mídia balun iha Indonézia, Singapura no Myanmar la hatudu evidénsia.

Lee mós: FFTL Konsidera Espekulasaun Indonézia ba Jogadór TL Hanesan Funu Psikolojia

“Iha ne’ebá evidénsia hatudu liuhosi teste médiku la hatudu katak nia muda nia tinan. Ninia tinan loos hela. Tan ne’e, reklamasaun ne’ebé Myanmar no Singapura hato’o ne’e laiha prova,” dehan Frederico ba jornalista iha salaun Xanana Sport Center, Bairro Formosa, Dili, ohin.

Tuir nia, protestu ne’ebé nasaun sira halo hasoru jogadór refere ne’e normál, maibé FFTL hato’o ona karta ba Komisaun Organizadora Asian Football Federation (AFF) nian atu haree hodi foti medida ruma kona-ba hatuun mentalidade jogadór sira-nian.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here