Selesaun Nasionál U-15 to’o hikas iha Timor-Leste. Imajen Tatoli/Hortençio Sanchez

DILI, 5 agostu 2019 (TATOLI) – Embaixadór Uniaun Europeia (UE) nian mai Timor-Leste, Alexandre Leitão, hala’o audiénsia ho Primeiru-Ministru (PM), Taur Matan Ruak hodi hato’o despedida tanba ramata ona misaun iha Timor-Leste.

“Ha’u husu enkontru ho autoridade timoroan, hafoin ramata misaun tinan tolu no kumpri prioridade ne’ebé mak iha”, nia tenik ba jornalista sira iha Palásiu Governu, segunda ne’e.

Nia haktuir, bainhira nia hahú nia misaun iha Timor-Leste, PM Taur momentu ne’ebá  hanesan Prezidénsia Repúblika ne’ebé mak simu ninia karta kredensiál.

Biban ne’e nia aproveita fó agradese ba PM nia kooperasaun ne’ebé hala’o ona durante ne’e entre Governu Timor-Leste no UE iha nia mandatu hanesan Embaixadór.

“Agora nia hanesan Xefe Governu ne’ebé iha programa kooperasaun ho Uniaun Europeia, ne’ebé agora dadauk iha ona planu ezekusaun hanesan diversifikasaun ekonomia, jestaun finansa públika, kombate má nutrisaun, desentralizasaun, kombate violénsia doméstika no programa seluk tan ne’ebé ami iha”, nia dehan.

Nune’e, nia iha esperansa buat hotu la’o ho di’ak ba futuru no povu Timor-Leste bele atinji dezenvolvimentu.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here