Diretór DNTT, Natalino de Rosario. Imajen Egas Cristovão.

DILI, 05 agostu 2019 (TATOLI)-Diretór Nasionál Transporte no Terrestre (DNTT) Minstériu Transporte no Komunikasaun, Natalino do Rosário, informa bá oin DNTT sei esforsu hodi serbisu hamutuk ho Banku Nasionál Komérsiu Timor-Leste (BNCTL, sigla portugés) atu estabelese banku ida iha DNTT Komoro, nune’e bele fasilita públiku sira atu selu direta iha fatin refere.

“Ami sei haree hodi serbisu hamutuk tan ho BNCTL atu estabelese nia sukursál (cabang) ida iha DNTT Komoro atu fasilita públiku sira bele selu direita iha Komoro, nune’e la presiza bá tan DNTT Balidi”, Natalino dehan ba jornalista TATOLI iha nian knaar fatin Balidi, ohin.

Tanba durante ne’e, trata dokumentu inspesaun ba karreta no motór nian iha DNTT Komoro, funsionáriu sira haruka bá fali selu iha Balidi, nune’e maka  bá oin sei kria kooperasaun ida ho BNCTL para haree kestaun ne’e.

“Kuandu trata dokumentu motór ka karreta nian sira labele selu iha Komoro tenke bá BNCTL  ne’ebé iha Balidi, ida ne’e difikulta maluk sira ne’ebé atu trata dokumentu, tanba ne’e ami sei ko’alia ho banku atu estabelese banku ida nune’e hafasil no prevene komunidade ne’ebé trata dokumentu labele bá selu iha Balidi”, Natalino afirma.

Nia salienta ba kestaun ne’e mós Ministru Transporte no Komunikasaun, José Agostinho da Silva, orienta ona ba DNTT atu hare hodi rezolve problema ne’e, tanba ne’e liga ba iha reseita nasionál, maibé probelma ne’e la fásil atu realiza tanba depende ba iha parte banku nian oinsá ho sira nian disponibilidade bele ou lae.

Durante ne’e, DNTT koopera ona ho parte BNCTL tau ona sira nian banku ida DNTT Balidi no daudaun ne’e sira ne’ebé maka trata dokumentu ka komete infrasaun ba viatura sira selu direta iha fatin ne’e no mós iha Akanunu, Hera.

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here