Prokuradór Jerál Repúblika (PJR), José da Costa Ximenes. Imajen Tatoli/Egas Cristóvão

DILI,  5 agostu 2019 (TATOLI)—Iha loron 1 agostu 2019, Tribunál Distritál Baucau, desidi ona hodi fó pena suspensaun tinan rua ba arguidu na’in rua husi kazu ró Hong Long.

Asuntu ne’e fó sai husi Prokuradór Jerál Repúblika (PJR), José da Costa Ximenes hafoin enkontru semanál ho Prezidente Repúblika, Francisco Guterres Lú Olo iha Palásiu Prezidente Nicolau Lobato, Bairru Pité,  segunda (5/8).

Lee mós: Kada Loron Ró 30 to’o 50 Halo Atividade Peska Ilegál

Ximenes fó sai informasaun ne’e hodi responde preokupasaun públiku kona-ba Kazu ró Hong Long iha Tribunál Distritál Baucau.

“Tribunál Distritál Baucau desidi ona iha loron 1 agostu, ba arguidu na’in rua ho pena suspensaun tinan rua,” hateten José.

Nia hatutan, iha desizaun ne’e, arguidu na’in rua mós obrigadu tenke selu indeminizasaun ba Estadu Timor-Leste tuir pedidu Tribunál Baucau nian.

“Selu indeminizasaun ba Estadu Timor-Leste $25.000,  kebra tiha kausaun $50.000  no hela ba Estadu $75.000,”  Prokuradór Jerál tenik.  Aleinde selu indeminizasaun, arguidu sira mós selu $100.00 ba taxa judisiária.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here