Eis Prezidente RAEOA, Marí Alkatiri. Imajen dok. TATOLI

DILI, 3 agostu 2019 (TATOLI)—Sekretáriu Jerál FRETILIN, Marí Alkatiri, hateten Alterasaun Lei ba Estatutu Rejiaun Administrativa Espesiál Oé-Cusse Ambeno (RAEOA) akontese duni, dezenvolvimentu iha Oé-Cusse sei la’o ba kotuk.

“Ha’u hatudu rezultadu no sira komesa sente hodi hadau. Se alterasaun lei mak kontinua duni, dezenvolvimentu iha Oé-Cusse la’o ba kotuk. Ne’e furak tebes ba tinan 2023,” dehan nia bainhira partisipa iha Konvíviu Populár ho militante FRETILIN, iha sede Komté Sentrál FRETILIN (CCF-sigla portugés), Comoro, sábadu ne’e.

Lee mós:

PN Simu Ona Notifikasaun TR Kona-ba Alterasaun Estatutu RAEOA-ZEESM

Alterasaun Lei Númeru 3/2014, PM Mak Sei Pose Prezidente RAEOA

Nia dehan, prosesu sei la’o hela, Prezidente Repúblika mak hatama kazu ne’e hodi husu Tribunál Rekursu halo fiskalizasaun preventiva inkonstitusionalidade.

“Tribunál Rekursu haruka ba Parlamentu Nasionál atu hatán ba argumentu hosi Prezidente Repúblika. Tan ne’e, labele hanoin dehan ita manán ka la manán,” Alkatiri esplika.

Nia afirma, se Prezidente Repúblika manán ne’e di’ak, maibé se PR la manán, sira mak manán no alterasaun ne’e liu, povu Oé-Cusse mak sei ‘haan’ sira tanba muda Oé-Cusse ne’ebé ho estatutu hanesan espesiál ba estatutu babain.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here