Prezidente Autoridade Rejiaun Administrativa Espesiál Oe-Cusse Ambeno (RAEOA), Mari Alkatiri. Imajen/Egas Cristovão

DILI, 3 agostu 2019 (TATOLI) – Eis Prezidente Autoridade Rejiaun Administrativa Espesiál Oé-Cusse Ambeno (RAEOA), Marí Alkatiri, hateten Timor-Leste labele moris iha nostáljia nia laran, tanba nostáljia sei labele lori nasaun ba oin.

“Ita labele moris iha nostáljia. Nostáljia la harii Estadu no nostáljia trava Estadu. Tanba ne’e, dezafiu ba ita mak ida ne’e, saida mak Estadu no saida mak Estadu Direitu Demokrátiku,” dehan Alkatiri iha nia diskursu bainhira partisipa abertura ba programa “Lian Hosi Lian Laek”, ne’ebé hala’o iha Salaun Katedrál, Vila-Verde, sábadu ne’e.

Biban ne’e, nia husu ba líder polítiku sira hotu atu hatene loloos kona-ba saida mak nasaun.

Eis Primeiru-Ministru ne’e dehan tan, Konstituisaun hakerek klaru ona no laiha dúvida kona-ba kestaun ne’e.

“Ita seidauk kaer Konstituisaun hanesan programa para harii Estadu, tanba ita moris nafatin iha nostáljia nia laran,” akresenta Alkatiri.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here