Ministru Justisa, Manuel Cárceres da Costa. Imajen/Antonio Goncalves

DILI, 02 agostu 2019 (TATOLI) – Ministru Justisa, Manuel  Cárceres da Costa ho Prokuradór Jerál Repúblika (PGR-sigla portugés), José da Costa Ximenes, kinta (01/08/2019), hasoru malu hodi ko’alia situasaun servisu justisa nian durante ne’e no informa ba malu kona-ba planu servisu ne’ebé mak presiza halo hodi garante servisu justisa ida di’ak liu ba povu no ba Estadu.

Notísia Relevante : MJ-PJR Ko’alia Formasaun ba Prokuradór Timoroan

“Ha’u mai troka informasaun ho PJR katak ha’u sei ba fali tan Tribunal Rekursu (TR) atu informa ba juis sira dehan, Universidade Coimbra haruka ona sira nia konta proposta akordu kooperasaun nee atu haruka joven sira ne’ebé servisu iha parte justisa nian atu ba eskola iha Portugal,” informa Ministru Manuel Cárceres ba ajénsia TATOLI  iha nia servisu fatin.

Ho PJR José da Costa Ximenes, ko’alia mós kona-ba mekanizmu oinsá loke ona kursu formasaun ba prokuradór, juis no defensór sira iha Sentru Formasaun Judisiáriu iha Caicoli.

Nia hateten, PJR  informa mós kona-ba kazu balun servisu prokuradór nian, troka informasaun uitoan ho prokuradór kona-ba preparasaun saida mak atu halo iha reforma justisa, para depois bele troka ideas ba malu.

“Ami ko’alia mós kona-ba matéria sira atu reforma, i ko’alia mós oinsá mak bele aumenta kapasidade intelektuál ita nia autór justisa, autór judisiáriu sira,” tenik Ministru Manuel Cárceres.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here