Prezidente Federasaun Futeból Timor-Leste (FFTL), Francisco Gerónimo. Imajen Tatoli/Egas Cristóvão

DILI, 1 Agostu 2019 (TATOLI) – Hela de’it loron rua Selesaun Nasionál Timor-Leste U-18 sei aranka ba Vietname hodi partisipa jogu Asian Federation Football (AFF) Cup tinan ida ne’e.

Preparasaun ba ekipa refere hetan tulun hosi líder istóriku, Kay Rala Xanana Gusmão no emprezáriu timoroan balun mak dadaun ne’e apoiu hela toba fatin no han-hemu ba jógador sira durante semana rua resin.

Lee mós:

5 Agustu, Selesaun Nasionál U-18 Kontra Brunei

Fasilidade Treinamentu Ba Selesaun Nasionál U-18 Sufisiente

FFTL Desidi Treinadór Boavista Kaer Selesaun Nasionál

“Ita-nia Selesaun Nasionál U-18 sira agora preparasaun di’ak loos, katak ita bele kompara ho sira seluk ekipa ida ne’e di’ak liu, tanba han-hemu no toba iha otél durante semana rua resin ona ne’ebé apoiu hosi líder Xanana Gusmão no emprezáriu timoroan balun, ne’ebé sira hein araka de’it ona,” dehan Prezidente Federasaun Futeból Timor-Leste (FFTL), Francisco Gerónimo ba Agência Tatoli iha sede FFTL, Bairro Formosa, Dili, ohin.

Tabele klasifikasaun provizória jogu Tasa AFF U-15 2019

Maski jogadór Selesaun Nasionál U-15 hasoru espekulasaun barak hosi Indonézia maibé nia garante ba jogadór U-18 sei la mosu nune’e tanba dokumentu ba jogadór sira loos hotu ona.

“Sira ida agora atu ba ne’e, ha’u hamoos hotu fallansu sira iha ne’e. Ita hakarak la’o iha buat ne’ebé moos. Ha’u lakohi ita atu la’o bebeik iha buat ne’ebé fo’er,” dehan Francisco.

Hanesan Prezidente FFTL, nia garante jogadór sira sei hatudu rezultadu di’ak iha eventu internasionál ne’e, maibé buat hotu depende minutu sianulu (90) mak determina.

Tuir oráriu, jogadór sira sei aranka iha 3 agostu agora. Iha jogu ne’e, Timor-Leste Grupu A hamutuk ho Indonézia, Filipina, Laos, Myanmar no Brunei Darussalam.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here