Deputadu José Virgílio

DILI, 31 jullu 2019 (TATOLI)-Iha ámbitu aniversáriu datoluk Agência TATOLI no transformasaun ba institutu públiku, Deputadu Bankada CNRT, José Virgílio konsidera presiza habelar tan kobertura to’o baze.

“Espetativa TATOLI ba fururu mak tenke fó importánsia kobertura iha baze liu-liu área rurál, nune’e povu bele hato’o sira nia preokupasaun moris nian,” nia dehan iha Timor Plaza, kuarta ne’e.

Deputadu ne’e husu mós TATOLI atu bele halo kobertura másimu ba asuntu interese Estadu hanesan ratifikasaun tratadu fronteira marítima.

“Imi presiza kobertura kle’an ba loron konsulta populár 30 agostu, tanba iha loron ne’e sei troka nota entendimentu entre Timor-Leste no Austrália,” nia tenik.

Deputadu Bankada Governu ne’e mós orgullu tanba Timor-Leste iha ona Agência Notisioza hanesan nasaun seluk.

Nune’e, reprezentante povu iha uma fukun ne’e husu ba Governu liuhosi Sekretaria Estadu Komunikasaun Sosial (SEKOMS) atu aloka orsamentu ne’ebé sufisiente na TATOLI, nune’e  bele hadia funsionamentu liu-liu ba rekursu umanu no ekipamentu sira.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here