Logo FONGTIL

DILI, 01 agostu 2019 (TATOLI)–Diretór Ezekutivu Forum Organizasaun Não Governamentál Timor-Leste (FONGTIL), Daniel dos Santos Carmo, husu ba Governu atu hadi’a estrada rurál hirak ne’ebé maka kontinua aat.

“Ita Iha estrada rurál ne’ebé barak kontinua aat, oinsá maka Governu bele rezolve atu fasilita povu hodi asesu” salienta Diretór FONGTIL ba jornalista sira iha nia kna’ar fatin, Kaikoli, ohin.

Aleinde ne’e mós, Daniel Santos husu ba Governu atu tau atensaun ba setór produtivu sira hanesan edukasaun, saúde inklui infraestrutura atu nune’e bele fó asisténsia ba povu.

“Hau hanoin tinan oin Governu presiza tau atensaun ba setór produtivu sira hanesan edukasaun, saúde no infraestrutura, nune’e bele fó asisténsia ba povu”, sujere.

Daniel Santos dezafia Governu atu tau importánsia ba setór produtivu tanba tempu to’o ona atu fó retornu ba Estadu, nune’e Governu tenke tau orsamentu ba setór hirak ne’e.

Iha reuniaun Konsellu Ministru, horiseik iha Palásiu Governu define ona pakote tetu orsamentu fiskál ba 2020 ho montante biliaun $1.6.

Jornalista : Natalino Costa

Editora    : Maria Auxiliadora

1 KOMENTÁRIU

HAKEREK NO HATÁN

Please enter your comment!
Please enter your name here