OÉ-CUSSE, 1 agostu 2019 (TATOLI)—Sekretáriu Rejionál Agrikultura no Dezenvolvimentu Rurál, Regio da Cruz Salu, rekomenda ba Prezidente Autoridade Rejiaun Administrativa Espesiál Oé-Cusse Ambeno (RAEOA) foun, atu kontinua investe iha setór agrikultura.
Rekomendasaun ne’e Regio hato’o hafoin enkontru avaliasaun ho Ekipa Tranzisaun iha Gabinete RAEOA, Santa Rosa, ohin.
Nia informa durante evaluasaun, ekipa husu kona-ba serbisu administrasaun nian, investimentu ba área agrikultura, patrimóniu sira ne’ebé uluk Governu Sentrál entrega ho nia utilizasaun durante tinan lima inklui benefísiu.
Durante tinan lima, Regio katak Oé-Cusse iha poténsia ba produsaun alimentár iha área agrikultura no seluk tan.
Tanba ne’e, nia sujere ba Prezidente Autoridade foun atu investe iha agrikultura. Husu mós atu kontinua investe iha indústria halo bokur karau ho bibi ne’ebé iha ona.
Jornalista: Cipriano Colo
Editór: Xisto Freitas
