Presidente Konsellu Administrasaun BNCTL, Brígido de Sousa.

DILI, 01 agustu 2019 (TATOLI)-Banku Nasionál Komérsiu Timor-Leste (BNCTL, sigla portugés) prepara ona proposta tolu ba Banku Sentrál Timor-Leste (BCTL, sigla portugés) atu asesu ba Sistema Garantia Kréditu (SKG).

Tanba SGK ne’e na’in maka BCTL ne’ebé mak ofisialmente lansa ona ba públiku foin lalais ne’e.

“Banku Sentrál lansa ona, hosi parte BNCTL nian ami iha proposta balu ne’ebé ami bele halo análiza hotu ona no prepara ona atu haruka bá Banku Sentrál katak proposta sira ne’e ami hakarak bele kobre hosi eskema garantia kréditu”, Prezidente Konsellu Administrasaun BNCTL, Brígido de Sousa ba TATOLI iha Timor Plaza, ohin.

Sobre proposta ne’ebé iha atu kobre ba SGK, Prezidente ne’e dehan ne’e mai hosi kompaña kreditu balu no la fiksa loloos ninia negósiu.

Nia afirma, maski sistema ne’ebé utiliza maioria elektrónika, maibé empreza sira bele haruka proposta manuál ba BNCTL.

“Iha sistema ne’e mós bele permite karik ema sira ne’ebé hakarak atu aplika tenke rejista uluk iha sistema depois sira bele aplika online, maibé tanba kestaun rede internét no buat sira ne’e hotu maka bele aplika hodi haruka proposta manuál mai banku maka banku ajuda sira-nia dokumentu hodi hatama ba sistema no haruka liu ba Banku Sentrál”, Brígido  esplika.

Relasiona ho implementasaun SGK maka ohin, Banku Sentral fó formasaun ba funsionáriu BNCTL nian oinsá atu utiliza sistema ne’ebé aplika hosi BCTL katak maioria ho online.

“Oinsá atu rejista ba kliente, oinsá atu hatama proposta ba online”, katak nia.

Tanba BCTL dezenvolve sistema online ne’ebé mak nia prosesu hotu dijitalizadu.

Notisia relevante : Sistema Garantia Prontu Simu Pedidu ba Kréditu

Ema Ne’ebé Asesu ba Sistema Garantia Kréditu Tenke 100 % Timoroan

Jornalista : Antónia Gusmão 

Editora : Maria Auxiliadora

HAKEREK NO HATÁN

Please enter your comment!
Please enter your name here