iklan

MUNISÍPIU

PM Taur: "Kontente Lidera Oitavu Governu"

PM Taur: "Kontente Lidera Oitavu Governu"

Primeiru-Ministru, Taur Matan Ruak. Imajen TATOLI/António Goncalves

ERMERA, 05 jullu 2019 (TATOLI)-Primeriu Ministru (PM) Taur Matan Ruak sente kontente lidera Oitavu Governu maske nia konsidera Oitavu Governu ne’ebé nia lidera kompara ho kareta ida karik ho roda tolu mak la’o tanba membru governu na’in sia to’o ohin loron seidauk hetan pose husi Prezidente Repúblika (PR).

Tanba ne’e, tuir xefe governu ne’e, nia parte kontinua dialógu ho PR hodi buka solusaun hodi bele fó pose ba nia membru ne’ebé mak seidauk hetan pose.

“Klaru, membru governu la kumpletu iha impaktu ba iha implementasaun programa no ezekuasaun orsamentu maibé ha’u kontente lidera Oitavu Governu hodi ezekuta programa tinan ne’e nian, ne’ebé aprova iha Parlamentu Nasionál,” responde Xefe Ezekutivu hodi hatan preokupasaun komunidade Ermera nian iha ámbitu dialógu hodi fahe informasaun programa priodade governu nian ba tinan 2020-2023.

Tanba ne’e, eis-maijór jenerál Forsa Defeza Timor-Leste (FDTL) perante komunidade sira hateten, kontinua buka diálogu ho PR no fiar katak sei iha solusaun ba problema ne’e.

Iha fatin hanesan, Feliciano Soares hanesan juventude nafatin husu ba Primeriu-ministru, Taur Matan Ruak atu kompleta estrutura membru governu nune’e implementa programa ho di’ak.

Enkuantu, membru governu na’in sia ne’ebé seidauk hetan pose mak hanesan Francisco Kalbuady lay, Helder Lopes no seluk tan.

Jornalista :Nelson de Sousa
Editór.       : Rafy Belo

iklan
iklan

Leave a Reply

iklan
error: Content is protected !!