Jornalista seniór timoroan, Otélio Ote.

DILI, 31 jullu 2019 (TATOLI)-Xefe Redasaun Televizaun Edukasaun (TVE), Otélio Ote, hatete atu garante ezisténsia Tatoli nu’udar Ajénsia Notisioza Timor-Leste nian, Governu presiza otimaliza liuhusi kria kondisaun.

“Tatoli nu’udar órgaun komunikasaun Estadu ne’ebé ofisializa informasaun Estadu nian ba públiku, bá oin saida maka Governu presiza otimaliza maka kria kondisaun infrestrutura rasik atu nune’e bele rai arkivu sira Estadu nian”, Otélio afirma iha ámbitu lansamentu embriaun TATOLI ba TATOLI,IP iha Timor Plaza, ohin.

Jornalista seniór ne’e dehan sobre Tatoli nia produtu jornalístiku ba futuru maka tenke uza Tetun ne’ebé di’ak no kuidadu mós iha produsaun notísia antes halo publikasaun tanba notísia sira ne’ebé sai hanesan referénsia ba Estadu.

Nia sujere ba Governu atu fó kapasitasaun másima ba jornalista Ajénsia Tatoli nune’e bele iha koñesimentu ne’ebé di’ak liu no kle’an.

Jornalista antigu ne’e parbeniza Tatoli ba nia ezisténsia datoluk nian no husu ba jornalista atu servisu hamutuk hodi tane Tatoli sai di’ak liután iha futuru.

Jornalista : Natalino Costa
Editora : Maria Auxiliadora

HAKEREK NO HATÁN

Please enter your comment!
Please enter your name here