Ofisiál Relasaun Públika no Kultura, Embaixada Japaun, Marlina do Rosario Alves Gama. Foto: Embaixada Japaun

DILI, 31 jullu 2019 (TATOLI)-Ofisiál Relasaun Públika no Kultura, Embaixada Japaun, Marlina do Rosario Alves Gama hateten, tuir nia observasaun, notísia ne’ebé fó sai hosi TATOLI, sempre notísia ne’ebé atuál, neutru, independente.

“TATOLI iha balansu. Ezemplu hanesan issue ida de’it alende sira foti hosi parte ida de’it, maibé foti mós hosi parte rua hotu, ne’ebé ha’u sempre tuir hela de’it notísia ne’ebé fó sai hosi TATOLI,” hateten Ofisiál Marlina do Rosario Alves Gama, ba Ajénsia TATOLI, bainhira partisipa aniversáriu ba da tolu no transformasaun embriaun TATOLI ba TATOLI, I.P (Institutu Públiku), iha Timor Plaza Suai Room, (31/07/2019).

Ofisiál Marlina do Rosario informa katak durante ne’e entre embaixada Japaun ho TATOLI, antes kedas iha relasaun di’ak tebtebes.

“Ha’u espera katak TATOLI bele mantein nafatin nia kualidade notísia, no mós se bele habarak liu tan notísia la’ós de’it hosi polítika nian, maibé iha área sira seluk mós,” espera ofisiál Relasaun Públika no Kultura, Embaixada Japaun iha Timor-Leste, Marlina do Rosario Alves Gama.

Jornalista : Nelia Fernandes

Editór       : Rafy Belo

HAKEREK NO HATÁN

Please enter your comment!
Please enter your name here