Primeiru-Ministru, Taur Matan Ruak, prezide reuniaun Konsellu Ministru iha Palásiu Governu, Dili, Kuarta (31/07/2019). Imajen/Egas Cristovão

DILI, 31 jullu 2019 (TATOLI) – Reuniaun Konsellu Ministru (KM), ohin,  halo aprovasaun ba pedidu Kay Rala Xanana Gusmão nian atu konsidera no fó orden  Medalla  Timor ba pesoál estranjeirus hosi nasaun 12 ne’ebé fó apoiu ba prosesu luta Timor-Leste nian.

Kay Rala Xanana Gusmão nia pedidu ne’e ho postura hanesan  Prezidente Komisaun Organizadora Festa Konsulta Popular ba dala-20 (30 agostu 1999-30 agostu 2019).

Ministru Estadu Prezidénsia Konsellu Ministru, Hermenegildo Augusto Cabral Pereira, informa katak Konsellu Ministru aprova naran pesoál estranjeiru sira ne’ebé mak sei hola parte iha Estadu, Individualidade no Organizmu, atu propoin ba Prezidente Repúblika ba atribui medalla “Orden  Timor Leste”.

“Iha enkontru KM mós haree kona mós lista ida hosi maun boot Kay Rala Xanana Gusmão nu’udar Prezidente Komisaun organizadora festa konsulta popular, 30 Agusto nian, lista ho referénsia ba ema no estadu 12 atu propoin ba Prezidente Repúblika Timor-Leste, Francisco Guterres “Lu Olo” atu fó medalla orden de Timor tanba sira nia apoiu ba luta libertasaun nasionál,” afirma Ministru  Agio Pereira liuhosi Konferénsia Imprensa, iha Palásiu Governu.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here