Prezidente RAEOA no Zona Espesiál Ekonomia Sosiál Merkadu (ZEESM), Mari Alkatiri. Imajen Antonio Goncalves

OÉ-CUSSE, 31 jullu 2019 (TATOLI)—Prezidente Autoridade Rejiaun Administrativa Espesiál Oé-Cusse Ambeno (RAEOA), Marí Bim Amude Alkatiri, hateten mídia ida hanesan ajénsia TATOLI ne’e importante tebes, signifika reprezenta interese Estadu tomak.

“Tanba ne’e, ha’u husu atu labele konfundi ho interese Estadu no interese ema ida nian, tanba Estadu ne’e la’ós ema ida. Estadu ne’e povu territóriu ho podér polítiku”, Marí ba TATOLI iha RAEOA, sesta (26/7).

Nia haktuir, nia lee dala barak ona notísia iha TATOLI no notísia hirak ne’e kualidade, maske informasaun ne’ebé TATOLI fó sai ne’e mai hosi Governu mak barak liu.

“Ne’e duni, ha’u husu atu bainhira Governu fó informasaun tendensiozu, ajénsia TATOLI tenke ta’is, nune’e ajénsia ne’e sai ajénsia ida ne’ebé ema bele fiar liu-tan. Maske nune’e, ha’u tatoli parabéns ba ekipa TATOLI tomak no susesu ba imi hotu”, tenik líder nasionál ne’e.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here