Sekretáriu Estadu Komunikasaun Sosiál,  Merício Juvenal dos Reis Akara, foto hamutuk ho akipa jornalista RTTL,ep ho TATOLI,IP ne'ebé hahú halo kobertura ba atividade festa Konsulta Populár ba dala-20 (30 agostu 1999-30 agostu 2019). Imajen/TATOLI

DILI, 30 jullu 2019 (TATOLI)-Sekretáriu Estadu Komunikasaun Sosiál,  Merício Juvenal dos Reis Akara,  Tersa (30/07/2019), ofisiálmente lansa programa kobertura hosi Rádiu Televizaun Timor Leste, empreza públika (RTTL,ep) ho Ajénsia TATOLI Instituto Públiku (TATOLI,IP)  ba komemorasaun loron konsulta populár  ba dala 20 (30 Agostu 1999-30 Agostu 2019) iha territóriu nasionál.

“Husu ba jornalista sira atu  serbí  no tane as interese estadu nian no  kontribui ho laran  hodi  divulga   sai  informasaun  ba atividade tomak ho di’ak to’o eventu ne’e remata,” Merício Akara husu ba Jornalista mídia públiku rua ne’e  iha Edifísiu RTTL,ep, Caicoli, Dili.

Prezidente RTTL,ep, Francisco da Silva Gari, hatete, ekipa servisu prontu no preparadu atu halo kobertura ba eventu istóriku ne’e hodi divulga informasaun ba públiku.

“Ekipa RTTL,ep  sei koloka  nia jornalista kada munisípiu ema na’in  rua  no motorista  ida  tanba ne’e  total  ema na’in 34  hodi kobre munisípiu hotu inklui Rejiaun Administrativu Espesiál Oe-Cusse Ambeno (RAEOA).

Francisco Gari hateten, ekipa RTTL,ep no Ajénsia TATOLI,IP  sei la’o hamutuk  no uza karreta RTTL nian tanba Ajénsia Estadu ne’e sei enfrenta problema transporte.

Prezidente TATOLI,IP,  José  da Costa,  afima nia konfiansa ba jornalista Ajénsia TATOLI ninian atu ezekuta sira nia funsaun ho profisionalizmu  hodi hala’o kobertura ba eventu ne’e. nune’e, Ajénsia TATOLI, IP sei koloka ninia jornalista na’in haat  hodi halo kobertura ba atividade ne’e.

Jornalista       : Nelson de Sousa

Editór             :  Francisco Simões

HAKEREK NO HATÁN

Please enter your comment!
Please enter your name here