Imajen jogu Primeira Divizaun iha Estádiu Munisipál Dili.

DILI, 30 jullu 2019 (TATOLI)—Tuir dadus ne’ebé Agência Tatoli assesu hosi Diresaun Verifikasaun Liga Futeból Amadora (LFA), ohin, iha ona klube lima mak halo ona transferénsia ba jogadór iha jogu segunda volta ne’e.

Durante semana ida ona órgaun LFA loke janela transferénsia nune’e bele fó biban ba klube ualu ne’ebé hamahan-án iha Primeira Divizaun atu halo transferénsia ba jogadór tuir nesesidade ida-idak nian.

Janela transferénsia ne’e sei taka iha loron lima fulan agostu mai ne’e. Klube lima ne’e mak hanesan Lalenok United FC, Karketu Dili FC, Assalam FC, Boavista no Ponta Leste. Enkuantu, klube tolu seluk hanesan AD SLB, Académica no Ultramar seidauk.

Jogadór hirak ne’ebé klube sira halo transferénsia no fó ona kontratu mak hanesan Lesy Baresi J. Atok no Lesy Careca Atok, hosi Sporting Clube de Timor (SCT) no Assalam. Maibé, jogadór seluk ne’ebé Assalam halo tan kontratu mak hanesan Mario Salvadór Amaral, Marcos Fátima Belo no Sadam Sudarma Hendra.

Hosi Ponta Leste nian ne’ebé muda hosi Kablaki no Lero mak Anizio Correia, Albino Ximenes. Hosi Karketu nian mak Nikson Mendes de Oliveira, Paulo César de Araújo, Josep Koami Komson, Obet Ansah no Alex Areey. Lalenok nian ne’ebé transfere hosi klube Sporting Clube de Timor no Atletico Ultramar mak hanesan Hermínio de Sousa, Marito dos Santos, Fabio Christian Cutinho no Glaco Trajano. Boavista nian ne’ebé muda hosi Assalam no Académica mak hanesan Edit Romano C. Savio, Armindo Correia de Almeida, Georgino J. A. M. da Silva no Antonio Vega antes ne’e iha hela estranjeiru.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here