Prezidente Parlamentu Nasionál, Arão Noé de Jesus da Costa Amaral. Imajen TATOLI/António Gonçalves

DILI, 29 jullu 2019 (TATOLI)—Prezidente Parlamentu Nasionál, Arão Noé de Jesus da Costa Amaral, espera governu sei indika ema ida ho kapasidade substitui Prezidente Rejiaun Administrativa Espesiál Oé-Cusse Ambeno (RAEOA), Marí Alkatiri, ne’ebé sei ramata mandatu iha 31 jullu.

Arão dehan, asuntu ne’e kompeténsia governu nian, maibé atuál Prezidente RAEOA, Marí Alkatiri, fó sai ona katak lakohi ona kontinua mandatu no finaliza de’it mandatu to’o 31 jullu.

Lee mós:

Lei Fó Dalan Arsenio Bano Lidera RAEOA

Prezidente RAEOA Foun Liu De’it Hosi Deliberasaun KM

Kona-ba Mandatu iha RAEOA, Alkatiri Hakerek Ona Karta ba PM Taur

Nia fiar governu sei foti desizaun justu, tanba programa Zona Espesiál Ekonomia Sosiál Merkadu (ZEESM) iha RAEOA la’ós ba tinan lima de’it.

“Oé-Cusse hetan tratamentu espesiál iha konstituisaun, hanesan mós Ataúro. Ha’u fiar governu sei foti desizaun justu. Sei indika ema ida ho kapasidade di’ak, para kontinua programa ida ne’e,” Arão Noé ba jornalista sira, iha Parlamentu Nasionál, segunda ne’e.

Prezidente Parlamentu Nasionál ne’e, hateten desizaun governu nian oinsá, depende ba sujestaun no opiniaun ne’ebé Marí Alkatiri rasik aprezenta ona ba Primeiru Ministru, Taur Matan Ruak. “Ha’u lakohi interfere órgaun seluk nia kompeténsia,” katak Arão.

Jornalista: Evaristo Soares Martins

Editór: Xisto Freitas

1 KOMENTÁRIU

  1. Hanesan Gerasaun Foun Oekusi Oan.
    Hakarak esklarese ka lamenta ho professionalism hau atan rasik nian katak, ita nia governu bele harii ho uniko politika iha Nasaun foun Ida nee atu se-se deit bele kaer knaar ba ukun governu, maibé atu saleienta deit ba Ukun nain sira atual no liu ona tempu governo anterior sira, pokitika nain sira atu nunee bele like oportunidade ba Sala rua iha mega projeito RAEOA neebe maka lidera hosi Exua-Marí Bing Amudi Alkatiri, tanba razaun katak ita persiza Ema Ida neebe kaer knaar ba mega projeito nee ho planeatiku, hatene Merkadu multi-lateral no ekonomista, refere liu ba Makro I mikro Negosiosaun Nasaun nian atu bele ita tau esperansa ba Zona Economia Sosial de Merkadu nee sai dunik Zona Economia Ida ke ho retornu diak ba futuro RDTL, tanba mós ita dehan Zona nee atu sai sentru pilotu ba Odamatan dahuluk iha planu negosiasaun merkadu não peteolifeiro. Sera-ke ita seidauk asisti duni kompostamentu sira nunee maibé iha ona pkanu implementasaun uit Oan, no Ami sugere ba Nai Ulun sira atu like oportunidade daruak nee mós tanba ita haree Ema lidera mega projeito nee tenke Ulun mamar, Ulun malirin, no fleksibilade atu halo planu adekuadamentu tuir matenek neebe ita nia Exua-Sr. Dr. Marí Alkatiri ninia mehi tomak. Ba nesesidade Nasaun nian iha futuro I liu-liu aspektu ekonomikamente ba povu Rai Doben Ida nee I mak special liu Oekusi Oan bele aprende liu tanba buat balun hosi Matenek nain SR. Marí Alkatiri ninia kapasidade. Iha Zona Implementasaun ZEESM nee hau rasik sempre akompaña hamutuk Saida mak ita nia Matenek nain nee planu no implementa diak no furak ona ba Ami Oe-Cusse Oan. Maske hasoru desafiius maibé Ami nafatin sugere katak baseia ba Alterasaun Lei no3 nee hanesan atu koalia liu ba Artigu 19 ba Nimeasaun foun katak troka Ou lae? Maibé hau lakoi ita Rona barak liu hosi komentarios sira neebe faktus ladun apar Malu ho Komisaun. Nudar ita Ema sempre nunee, atu buka oin ba Malu hau rasik mós bele koalia katak Exua- SR Marí Alkatiri nee ladi’ak maibé ita prespetiva deit atu dehan lolos karik hau apresia ho implementasaun mega projeito nee hosi Exua-Sr.Marí Alkatiri ninia kapasidade tomak I atu vota karik hau rasik Hakarak Vota ba SR.Dr.Marí Alkatiri mak bele kontinua ba mega projeito RAEOA KA ZEESM. OBRIGADO BA LEE NAIN SIRA.
    SARAN LIA.

    ABILIO SUNI

HAKEREK NO HATÁN

Please enter your comment!
Please enter your name here