Provedora Jesuína Maria Ferreira Gomes. Imajen/Nelson de Sousa

DILI, 27 jullu 2019 (TATOLI)-Durante periodu fulan janeiru to’o jullu, tinan ne’e, Provedoria Direitu Umanu no Justisa (PDHJ-sigla portugés) simu keixa 98 ho indikasaun violasaun direitu umanu no mós indikasaun violasaun boa governasaun.

Provedora Jesuína Maria Ferreira Gomes, informa, hosi keixa  98 ne’e ba kategoria indikasaun violasaun direitu umanus 41 no violasaun boa governasaun 57.

Ba kategoria violasaun direitu umanu, Jesuína Maria Ferreira Gomes, informa, maioria mai hosi direitu seguransa integridade, liuliu atuasaun polisia sira nian ne’ebé uza forsa. Nune’e, ba indikasaun violasaun boa governasaun maioria kona-ba asesu públiku ba administrasaun ladi’ak iha servisu estadu nian iha kontrolu no disiplina no prestasaun servisu funsionáriu públiku sira nian.

“Keixa balun  prosesu investigasaun la’o hela,” informa Provedora Jesuína Maria ba jornalista iha Dili, kinta (25/07/2019).

Nia dehan tan, hosi keixa nia rezultadu investigasaun konklui ona mak bele hatene akontese duni violasaun ka la’e, maibé agora ne’e  iha hela indikasaun.

“Hafoin konklui investigasaun ba keixa sira ne’e sei lansa  relatóriu investigasaun,” hateten Jesuína Maria.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here