Lider másimu K-Link, Timor-Leste, Alberto dos Santos

DILI, 27 jullu 2019 (TATOLI) – Ema sira ne’ebé mak membru ba K-Link ne’e la’ós área saúde maibé hetan kapasitasaun husi kompañia K-Link liuhusi treinamentu espesiál hanesan health test (teste saúde), oradór sira ne’e mai husi rai li’ur.

Deklarasaun ne’e hato’o husi Lider másimu K-Link, Timor-Leste, Alberto dos Santos, ba jornalista Ajénsia TATOLI iha nia kna’ar fatin, K-Link Internasionál, Ai-tarak laran, Dili, sábadu (27/07/2019).

Lider K-Link ne’e konfirma, Kompañia K-Link define ona katak ema ne’ebé la’ós membru K-Link mak konsulta ne’e presu dolar 10, ema ne’ebé membru ona dolar 5. “Ida ne’e regra husi kompañia la’ós husi pesoál rasik mak halo presu hanesan ne’e,” nia hateten.

Nia esplika, mákina teste saúde ita bele asesu. “Ita periksa (konfira) sistema balun menus, balun sa’e maibé oinsá sistema ne’e balansu, entaun sira sujere katak ema ida ne’e hemu bele aumenta, hemu ida ne’e bele redús no hemu ida ne’e para la bele moras depende membru K-link ne’ebé periksa ita”.

“Uza sistema ka mákina health test ne’e fasil hela, ema baibain mós hanorin loron ida bele hatene utiliza, importante liu mak uza kapasitasaun funsaun anatómiku fisiolojia, ida ne’e kompletu liu iha mákina health test. Membru K-Link balun mós hetan kapasitasaun husi kompañia k link ne’e rasik,” nia haktuir.

Kona-ba uza laptop tama sai uma, Lider másimu K-Link Internasionál iha Timor-Leste, Alberto dos Santos klarifika katak membru K-Link uza laptop tama sai uma hodi deteta moras ne’e la’ós halo diagnóstika maibé teste saúde (health test) uza laloran eletromagnétika hodi bele deteta “friamente” ka ho malirin, moras sira liuhusi vazu sangíneu. “Tanba ne’e mak uza health test, bele deteta moras,” nia subliña.

Nia dehan, la’ós doutór de’it mak bele deteta ema nia moras maibé ema baibain hanesan membru K-Link mós bele hatene tanba, tuir nia, iha ona kritéria katak indikadór padraun (raan). “Entaun funsaun ne’e aumenta informasaun ba kolega sira ne’ebé mak tama sai uma periksa (konfira), signifika meius ida para oinsá ema ne’e kuidadu ninia saúde”.

Notísia relevante: http://www.tatoli.tl/2019/07/20/membru-k-link-iha-timor-leste-hamutuk-7000/

http://www.tatoli.tl/2019/07/21/importador-produtu-k-link-mai-timor-leste-mak-kompania-beni-yerlita/

http://www.tatoli.tl/2019/07/16/sabeh-preokupa-ba-doutor-herbal-neebe-tama-sai-uma/

Jornalista       : Felicidade Ximenes

Editór             : Rafy Belo

1 KOMENTÁRIU

  1. Klaru Hanesan sr. Alberto dos Santos hatete. Alat teste nebe membru k-link uza lori teste ema ne laos atu halo diagnosa, maibe bele ajuda hare ita nia orgaun sira ne servisu normal ka lae? Por exemplo pasien ruma ba konsulta iha hospital sira hetan RAN MIDAR (gula darah), sira mai iha k-link ami lori alat kuantum lori cek deit sira nia pangkreas. Atu hare katak pangkreas nia kondisaun oinsa, karik pangkreas diak hela. Ami fo deit produto nebe bele ajuda netraliza Ran midar nebe sae ka tun ne. E karik mos nia pangkreas nia kondisaun ladun diak ona ami fo produto nebe bele hadia nia pangreas. Maibe atu cek kadar gula darah ne ami haruka ba klinik ka hospital. Ita atu ajuda ita nia komunidade ba asesu saude. Ida dr. Andre dehan faan aimoruk folin $700 to’o $1000 ba leten ne hau sente lalos. Ita labele koalia falsu iha media sosial tanba ne fitnah.

HAKEREK NO HATÁN

Please enter your comment!
Please enter your name here